مسكينة هالبشرة !! كل هذا مكياج ؟؟

بسم الله الرحمن الرحيم

السلام عليكم ورحمة الله وبركاته

اليوم حابة اتكلم واناقش معاكم موضوع مهم ... للأسف واااايد انتشر بين بناتنا واللي اهوه المكياج ... الحين البنات يحطونه بكل وقت ... قبل كنا بس بالمناسبات .. والعروس .. واذا رحنا مجمع .. وشفنا بنت حاطة فل ميك اب ..كنا نحس شكلها غريب بيننا .. وغلط .. اما الحين الوضع صار عكسي .. اللي مو حاطة فل ميك اب .. شكلها غلط !!!!!

صار بكل وقت وكل حين ... حتى العزا .. وقت الحداد والحزن .. والله حاطين كحل وكريم اساس ؟؟؟!!!!!
وصلت لهدرجة ؟؟؟

رمضان .. الشهر الفضيل .. شهر الرحمة والمغفرة ... الصيام .. والله بنات بالجامعة الصبح .. حاطتلي حمرة وردييييية ... اللي ممن بعيد يشوفها ؟؟ !!!
خوش صيام والله .. ما تحترمين الناس .. انزين ربج ما حطيتيله اعتبار ؟؟

ولا لأ .. في نوع ثاني من البنات .. رمضان بس الصبح .. ما احط مكياج .. بالليل .. الوان الطيف كلها بويهها ... شنو هذا ؟؟؟

والمشكلة ... طبقات كريم اساس .. اركز على طبقات ...

انا بعرف .. البشرة ما تعبت ؟؟؟ امانة كافي الصراحة شمس الكويت الحارة بالصيف ... نار ... يصكون المسام بمكياج .. وعلية كسرت خاطري ... طول السنة تحطون ... انا بعرف متى ترتاح ؟؟؟

انا ما اقول لا تحطون .. كحل خفيف .. بلشر ..الخ .. شي بسيط .. بس اللي قاعدين نشوفه .. هوايل ... اراجوزات .. لووول .. يخرعون ... اذا بالمجمع حاطين هالكثر .. بالعرس ... شتسوون ؟؟

طبعا مو كل البنات جذي .. بس هذي الأغلبية ... فرنسا والمانيا وامريكا .. ترى كله تصدير مكياج حق الخليج ... اهمه نفسهم ما يستخدمون هالكثر .. والله الانجليز شوفوا اشكالهم كيوت ... شي بسيط ... وناعم ...وهالمكياج ترى كله مواد صناعية وكيماوية.. واصباغ ..تضر البشرة والصحة

المكياج .. اداة ... او وسيلة لابراز الجمال .. صار شي اساسي بحياة البنات ... فلي متى جذي ؟؟ ولي وين بتوصلون ؟؟؟

حلاة البنت بجمالها الطبيعي ... فلما ايي الريال ويخطب البنت .. يشوفها على حقيقتها .. ما يكون مكياج اوفر ..عشان باجر ..لي تزوجوا ما ينصدم بشكلها .. وتحلو اكثر مع الميك اب .. يكون شكلها غير ...

فسؤالي لكم

شنو رايكم بهالظاهرة ؟؟؟

شباب شنو تكون ردة فعلكم لما تشوفون بنات جذي ؟؟
وشنو رايكم فيهم ؟؟

هل كثرة المكياج له علاقة بالأخلاق ؟؟

ترضى لزوجتك او اختك انه تحط مكياج اوفر لطلعة عادية؟؟

الموضوع مفتوح للجميع .. ولجميع الآراء .. حتى لو بتقولون شي ثاني غير الأسئلة .. فحياكم الله ....
بانتظار ردودكم ومشاركتكم الحلوة
ثاااااااااانكس

شنو رايكم بهالظاهرة ؟؟؟ والله سلبيه يا ملق البنت لي ترست ويها ولك كاسبر لو شافها خاف هههه وعلى قولتج الوان الطيف السبع بويها هههههه تقول عندهم اله بلبيت بس تشغلها ترقع ويها ينحط المكياج كاك

شباب شنو تكون ردة فعلكم لما تشوفون بنات جذي ؟؟ انا اخترع اصد امشي الصوب الثاني
وشنو رايكم فيهم ؟؟
بصراحه ما يعجبوني بلعكس اقعد اضحك عليهم لين اقول بس
هل كثرة المكياج له علاقة بالأخلاق ؟؟ لا ماله علاقه بس الشي ان زاد عن حده قلب ضده

ترضى لزوجتك او اختك انه تحط مكياج اوفر لطلعة عادية؟؟لا يبا تخسي لا اطفركم اخليها اتحط بس ابسنع بعدين حلاة المرا بجمالها الطبيعي بدون اضافات ولك سياره مو بنت

تقبلي شكري ومروري

ههههههه نايس ون ... تعجبني جذي ... اي والله صح كلامك حلاة البنت بجمالها الطبيعي ... ما فيها شي ان حطت مكياج بس يكون بسيط وناعم .. مو حالها حال لما تقعد من النوم ماكو شي .. هههه
ثااااااانكس على المشاركة الحلوة
نورت

انا لما اشوف البنات اللي تارسين وجهم مكياج اذكر كراسة الرسم حقت اختي الصغيرة
صراحة معاد مكياج اللي يحطونه تقولون علبة بويه على وجهها
انا مااقول لا تحط تحط بس خفيف بحدود ناعم يزيذ جمالها مو يخربها ويخليها تخرع
بعدين الجمال الحلو الجمال الطبيعي اللي ينبع من الداخل
يعطيك العافية على الموضوع
تقبلي مروري

ههههههه حلوة ... كراسة الرسم .. حدها عجبتني ... والجمال الداخلي اهوه الجمال الحقيقي .. واللي راح يدوم .. والباجي كله صناعي ... من كثر ما يحطون .. صاروا كلهم يتشابهون بالمجمعات
ثااااااااانكس على المشاركة الحلوة
نورتي

انا لما اشوفهم احس بشرتهم تقول لحقوني من سبت المكياج Very Happy

» مسكينة هالمنيرة.................