×][ علاقة حب مجنونه ][×
حبيبي ما بقى عندي صبر يتحمل التأخير ..
رحلت و عقبك الدنيا غلاها طاح من عيني ..
محد يقدر يعوضني لأنك في عيوني غير ..
و مهما شفت انا الفرحه بدونك ما تسليني ..
انا خنتك و هالغلطه حبيبي مالها تبرير ..
علاقة حب مجنونه ما بين احزاني و بيني ..
×][ أحفادي ][×
ولدت من الفرح طفل
و جبت من الحزن اطفال ..
و شاب الشعر في راسي
كأني توني اولدهم ..
و صاروا في عيوني حلم
وطفل الفرحه فقدته ..
وبقى لي من الحزن احفاد
مناهم يبتدي يومي ..
×][ ذنب ابيض ][×
اذنبت ذنب ابيض بـ جيتك يمي ..
فرقت بين اثنين ما ذاقو فراق ..
الأول / ( الجرح ) الذي حب ضمي ..
و الثاني / احساس ( الألم ) وسط الأعماق ..
×][ وصلتك ولكن ][×
شريتك ما شريت الغير ..
يوم الغير هاويني ..
وصلتك لكن المغزى ..
سكنتك او انا جارك ..
×][ غصن ][×
كل ما هزيت بالساعه .. ( غصن ) ..
يتساقط حزن و شوية .. فرح ..!!
ما لقيت احقر و اخس من .. الزمن ..
لا ( ضربك ) بـ هم .. ولـ ( حزنك ) طرح ..
×][ جسور البنايه ][×
شفت اللذي / بين الجفن / و ابيض العين ..
ذاك السواد اللي حضنك بـ عنايه ..
لو يبكي / افراقك / مليته من الطين ..
خلاص عدينا / جسور البناية / ..
×][ اعرفك ][×
░ اعرفك ░
إيهـ انا اذكر ..
لقيتك مره في ░ جروحي ░
نبشت بـ سلة اوجاعي ..
سرقت القلب بـ طعونك ..
امانه لا تذكرني بـ وجهك يستحي : فرحي : ..
تروحي ░ الراحه ░ من عيني إذا لاقيتها عيونك ..
كتبت أسمك على قلبي ولكن / حضرتك / تمحي ..
عقل .. ذاك الغلا فيني .. انا ما عدت ░ مجنونك ░ ..
تظن تستاهل ارجع لك و عشانك عيني تضحي ..
أنا ما اظن تستاهل يكون ░ الله ░ في عونك ..
تعال احسب خساراتي بـ وصلك إحسبه ربحي ..
و بلاش تعد في سرعه خساراتي على هونك ..
فهمت ░ الدرس ░ وإلا لأ ..؟! أعيده لو تبي شرحي ..
مدامك عشت من دوني .. انا ما ░ مت ░ من دونك ..
×][ كلمه ][×
جرحي ما يرضيه قلبك لو يجي كله ״ حنان ״ ..
لو تبوس الجرح فيني و لو تقبلها إيدينه ..
يوم ״ أحبك ״ قلت كلمه : ..
][ يكرم المرء او يهان ][ ..
و أنت قلبي ما كرمته و ما قدرت انك ״ تهينه ״ ..
×][ شمس و قمر ][×
ماعاد باقي لـ • دقة • القلب
حاجهـ ..!
مدام اللي • نعشقه • فيه ما حس ..
خله يموت القلب مابي علاجه ..
يمكن ..
بعد فرقاي ..
يستوعب الدرس ..!
اجيه كلي شوق ودي • انتواجه • ..
و يجيني يرفض مبدء • الشوف و اللمس • ..
كني • قمر • و الشمس حضرة مزاجه ..
لأن القمر صعب يـ تلاقى مع • الشمس • ..